perjantai 21. elokuuta 2015

Knapsun kööki on huushollin syän

Jo toinen knapsujuttu peräjälkhiin. Tämön ollu mulla vain jääkaappimakneettina kauvan, joita on voinu ostaa Pellosta Aarre Ajastaan -kirpparilta. Saattaa niitä vain sielä vieläki olla jos ei ole lophuunmyyty ja jos on niin joskus mennee taas lissääki. No mie tekasin sen nyt vähän uusiksi Spreadshirtin kauphaan. Tehin mallin vuoksi niinkö tämmönen pienen sievän vyölinan eli essun, sielähän se knapsu useasti köökissä pyörii ellei justiina ole tamsyykaamassa, mutta saattaa sitäki vain essu päälä tehä.

Tehin kerrala kaksi eri versiotaki, toisessa on kööki ja toisessa köökki, aivan miten vain halvaat. Sie saatat kuitenki vaihtaa sitä, että missä se teksti onkhaan, voihan se on olla vaikka muki, mikäs sen hienompi muki ja onhan sielä bistroessuki, mutta pittääkös kukhaan semmosta kotioloissa. Saattas olla visto semmonen jopa knapsula.

Knapsun kööki on löytyy täältä ja knapsun köökki taas tästä.

Hoksaa, että sie saatat vaihtaa tekstin väriä, sen mukhaan minkä värisen tuotheen sie otat. Syän nyt yleensä on punanen, mutta seki vain mennee vaihtaa toiseksi, varsinki jos sulla on vaikka siniverinen knapsu.






Ei kommentteja :

Lähetä kommentti